Genre,Poésie «Madanm», yon powèm Flanm Nanm

«Madanm», yon powèm Flanm Nanm


Madanm

Madanm,
pouki w pè leve tèt gade lorizon
Ou ki plante lespwa nan tout sezon
Ou se mache chèche k ap bouske mòso biskuit
pou tchovi yo pa dòmi san soupe
Souke kò w madanm
pa neglije kwaze lepe

Ou se nanm ki pote swen
flanm ki tenyen nan tout bren
Ou se fanm !
Fanm lawouze
Fanm masuife
Fanm tèt kantè, je koud sou kwabosal

Madanm,
Yo rele w madan Sara paske ou kriye mizè w
nan chante
Ou pote chay ou sou tèt ou
san kanpe
San tranbe ou sele chwal
Ou travèse granchimen
Ou tann wòb ou sou rivyè gòch
Nan pla men kalamite, ou kenbe tete gòch
Sen Nikola konn madoulè w, kòmè…

Ou se Deyès
Legba louvri baryè lese pase
Madanm rantre nan palè w
Gouvènen n ak kò, nanm ou
Epi lapè.

Flanm Nanm

CP : Deewoy

Étiquettes : ,

Leave a Reply

Votre adresse e-mail ne sera pas publiée. Les champs obligatoires sont indiqués avec *

Related Post